AF268: 66r

bunlardan ġayri [...] [...]ve [...] ve Derbend ve Maḥmūd‑ābād ve Sefelibān [?] nām altı pāre şehrleri qaryeleri // ve nāḥīyeleri ile memālik‑i maḥrūse‑i sulṭānīye ilḥāq olınub māh‑i Recebüñ on altıncı güni rūz‑i cumʿadur cāmiʿlerinde [?] // pādişāh‑i ʿālem‑penāh ḥażretlerinüñ ḫuṭbe‑i şerīfleri istimāʿ olınub beş altı yıldan ziyāde ol vilāyetde qalub // Qızılbaş‑i evbāşa giriftār olan müsülmānlar ki ol cāmiʿlerüñ minberlerinde ḥāşā Ebū Bekr ʿÖmer ʿOs̱mān rażiya llāhu ʿanhum // sebb olunduġın bilürlerdi ʿale l‑ḥuṣūṣ [!] ümmü l‑müʾminīn ʿĀyişe rażiya llāhu ʿanhāya ṭaʿn u laʿn ėtdüklerin // işidürlerdi ve bu ġammla ḫalvet‑ḫānelerine gidüb ehl ü ʿıyālları ile derdleşürlerdi ve biz bu ẓālimlerden nice ḫalāṣ ola // bilsek dėyü aġlaşurlardı bu ṭaqdīrce qaçan‑ki ḫuṭbeler oqındı ve seʿādetlü pādişāhumuzuñ nām‑i şerīfleri işidildi // bir ḥāle vardılar ki gözleri yaşı menʿ beklemedi ve bir firāqla [?] aġlaşdılar ki pend ü naṣīḫatle qılınmaları mümkin olmadı // qılavuzum [?] merḥūm sulṭān Süleymān Ḫān ʿaleyhi r‑raḥmetu ve l‑ġufrān āh ehl‑i Şīrvān dėyü dāyimā aġlayub Şīrvān // fetḥini arzū ve bunuñ yolların her zemānda cüst ü cū qılduqlarına bāʿis̱ bu imiş baʿd ẕālik tenbīh‑i dīvān ve begler begiler // ve sāyir erkān cemʿ olub Şīrvān begler begiligi vezāretle vėrilmeyince Qızılbaş‑i evbāşa muqābele olınmaz ḥuṣūṣā buña // qarīb olan begler begiler qorqub üşenmez [?] dėyü cümlesi ittifāq ėtdüklerinde evvelā eyālet‑i Şīrvān vezāretle Dervīş Paşa // muḫliṣlerine teklīf olınub anlar qabūl eylemeyüb cümlesi ol ḥīnde ʿOs̱mān Paşa muḫliṣlerine maʿqūl görmekle anlara tevcīh // qılındı ve lākin bu muḫliṣleri Ardahāndan Key‑ḫusrev vilāyetine andan Tiflīse andan Şīrvāna ʿazīmet ėdüb seʿādetlü // pādişāh uġurına beẕl‑i maqdūr ėdüb geçdügümüz yollara bu zemāna gelince ʿasker‑i Āl‑i ʿOs̱māndan kimse uġramamışdur // ancaq ṣāḥib‑qırānlardan sābıqan Tīmūr Leng geçdügi ḫaber vėrilmişdür el‑ḥamdu lillāh ki eyyām‑i seʿādet‑i pādişāhīde // ne zaḥmet çekildi ise çekildi ʿāqibet bunca fetḥ ü nuṣretler müyesser oldı ve [...] [...] fetḥi müyesser olan memleketler ki // biri Tiflīs begler begiligidür ikinci begler begilik ṭarīqle Levend oġlına vėrilüb cizyesi taʿyīn olınan Gürcistān // begler begiligidür dördünci vezāretle ʿOs̱mān Paşaya tevcīh olınan Şīrvān begler begiligidür ki mülk‑i Şīrvān // şāh‑i gümrāh memleketlerinüñ āb‑i rūyıdur nite ki maḥrūse‑i Nīl berekātiyle pādişāh‑i ʿālem‑penāh memālikinüñ yüzi ṣuyıdur // pes bu ẕikr olınan dört begler begilik memālik‑i ʿalem‑i şerīflerine rūşendür ki birine bir niçe yıllar tedbīr ü tedārük // olınmaq lāzım iken bi‑ʿināyeti llāhi taʿālā iki ay içinde cümlenüñ fetḥi müyesser ve ehl‑i islāma musaḫḫar olub cüzvī // tedārükle küllī memālike furṣat bulındı ve seʿādetlü pādişāhumuzuñ icdād‑i ʿıẓāmları fetḥine tesḫīr çekdügi // memleketlerüñ gendülerüñ zemān‑i ʿadāletlerinde ve seʿādet‑nişānlarında fetḥ ü tesḫīr olındı ʿale l‑ḥuṣūṣ bunca